ஹமாஸுடனான சண்டையில் நான்கு நாள் மனிதாபிமான யுத்த இடைநிறுத்தத்தின் முன்வைக்கப்பட்ட பரிமாற்ற ஒப்பந்தத்தின் ஒரு பகுதியாக இஸ்ரேலால் சமீபத்தில் விடுவிக்கப்பட்ட 39 பாலஸ்தீனியர்களில் ஒருவரான ஒசாமா நயீப் ஒசாமா மார்மாஷ், இஸ்ரேலிய சிறைகளுக்குள் பாலஸ்தீனியர்கள் படும் துன்பம் குறித்து கருத்து தெரிவித்துள்ளார்.
ஆக்கிரமிக்கப்பட்ட பலஸ்தீன மேற்குக் கரையில் உள்ள நாப்லுஸைச் சேர்ந்த 16 வயதான மர்மாஷ், ஐந்து மாதங்களுக்கு முன்பு இஸ்ரேல் இரானுவத்தால் கைது செய்யப்பட்டு தடுத்து வைக்கப்பட்டதாக கூறப்படுகின்றது.
“இஸ்ரேலிய சிறைகளில் உள்ள பாலஸ்தீன கைதிகள் பரிமாற்ற ஒப்பந்தம் பற்றி வெள்ளிக்கிழமை அறிந்து கொண்டனர், பலர் விடுவிக்கப்பட்ட பின்னர்,” என்று மர்மாஷ் ஞாயிற்றுக்கிழமை ஊடகமொன்றுக்கு தெரிவித்தார்.
“நான் காலையில் எழுந்து, முகத்தைக் கழுவி, குர்ஆனைப் படித்தேன், இஸ்ரேலிய வீரர்கள் கைதிகளின் அறைகளில் சுற்றித் திரிந்து விடுவிக்கப்பட்டவர்களின் பெயர்களை அழைக்கத் தொடங்கினர், அவர்களில் எனது பெயரும் இருந்தது,” என்று அவர் கூறினார்.
“காலை எட்டு மணியிலிருந்து, செஞ்சிலுவைச் சங்கம் வந்து ஓஃபர் சிறையிலிருந்து எங்களை அழைத்துச் செல்லும் வரை நாங்கள் குளிரில் காத்திருந்தோம்.”
ஒவ்வொரு வாரமும், அவர்கள் (இஸ்ரேலிய இராணுவம்) எங்களை அடிக்க வந்தனர், அவர்கள் எங்கள் உடைகள், படுக்கை உறைகள் மற்றும் மெத்தைகள் அனைத்தையும் எடுத்துச் சென்றனர்.”
இஸ்ரேலிய இராணுவம் ஒவ்வொரு கைதிக்கும் மிகவும் மெல்லிய படுக்கை உறையை வழங்கியது என்று அவர் கூறினார். பாலஸ்தீன குழுவான ஹமாஸின் ஆயுதப் பிரிவான அல் காஸ்ஸாம் பிரிகேட்ஸின் பதாகையை கடுமையான குளிர் காரணமாக தனது கழுத்தில் அணிந்திருந்தார்.
இஸ்ரேலிய இராணுவம் ஒரு முறை குளிர் காலநிலையையும் பொருட்படுத்தாமல் கைதிகள் மீது தண்ணீரை ஊற்றியதை நினைவு கூர்ந்த மர்மாஷ், கைதிகளுக்கு மிகக் குறைந்தளவு உணவு வழங்ப்பட்டதாக தெரிவித்துள்ளார்.
“அவர்கள் எங்களுக்கு ஒரு நாளைக்கு இரண்டு பைகளில் ரொட்டியைக் கொடுத்தார்கள், நாங்கள் எட்டு பேர்,” என்று அவர் கூறினார்.
“தியாகிகள் மீது அல்லாஹ் கருணை காட்டுவானாக, காயமடைந்தவர்களை குணப்படுத்துவானாக” என்று அல் கஸ்ஸாம் படையணிகளுக்காக மர்மாஷ் பிரார்தனை செய்துள்ளார் .
கத்தார், எகிப்து மற்றும் அமெரிக்கா மத்தியஸ்தம் செய்த நான்கு நாள் மனிதாபிமான யுத்த இடைநிறுத்தம் வெள்ளிக்கிழமை நடைமுறைக்கு வந்தது, காசா மீதான இஸ்ரேலின் தாக்குதல்களை தற்காலிகமாக நிறுத்தியது.
அக்டோபர் 7-ம் தேதி ஹமாஸ் நடத்திய எல்லை தாண்டிய தாக்குதலைத் தொடர்ந்து காசாவில் இஸ்ரேல் பாரிய இராணுவ நடவடிக்கையைத் தொடங்கியது.
14,854 பலஸ்தீனியர்கள் கொல்லப்பட்டுள்ளனர். இதில் 6,150 க்கும் மேற்பட்ட குழந்தைகளும், 4,000 க்கும் மேற்பட்ட பெண்களும் உயிரிழந்துள்ளதாக தெரிவிக்கப்படுகின்றது.
இதற்கிடையில், அதிகாரப்பூர்வ இஸ்ரேலிய இறப்பு எண்ணிக்கை 1,200 ஆக உள்ளது.