ஈரான் ரஷ்ய தயாரிப்பான சுகோய்-35 போர் விமானங்களை வாங்கியுள்ளதாக இஸ்லாமிய புரட்சிகர காவல்படையின் (IRGC) தளபதி ஒருவர் திங்கள்கிழமை (27) தெரிவித்தார்.
தெஹ்ரானுக்கும் மொஸ்கோவிற்கும் இடையிலான இராணுவ ஒத்துழைப்பு குறித்து மேற்கு நாடுகளில் அதிகரித்து வரும் கவலைகளுக்கு மத்தியில் இந்த அறிவிப்பு வந்துள்ளது.
ஈரானிய அதிகாரி ஒருவர் Su-35 ஜெட் விமானங்களை வாங்குவதை உறுதி செய்வது இதுவே முதல் முறை.
எனினும், எத்தனை ஜெட் விமானங்கள் வாங்கப்பட்டன, அவை ஏற்கனவே ஈரானுக்கு வழங்கப்பட்டதா என்பது போன்ற விடயங்களை IRGC தளபதி அலி ஷத்மானி அவரது அறிவிப்பில் தெளிவுபடுத்தவில்லை.
2023 நவம்பரில் ஈரானின் Tasnim செய்தி நிறுவனம், ரஷ்ய போர் விமானங்களை வாங்குவதற்கான ஏற்பாடுகளை தெஹ்ரான் முடித்துள்ளதாகக் கூறியது.
இந்த மாத தொடக்கத்தில், ஈரானும் ரஷ்யாவும் ஒரு விரிவான மூலோபாய கூட்டாண்மையில் கையெழுத்திட்டன.
இது ஆயுத பரிமாற்றங்களைக் குறிப்பிடவில்லை, ஆனால் இரு நாடுகளும் தங்கள் “இராணுவ-தொழில்நுட்ப ஒத்துழைப்பை” மேம்படுத்துவதை நோக்காகக் கொண்டது என்று கூறியிருந்தமையும் குறிப்பிடத்தக்கது.