SARINIGARரி20 தரவரிசை: ரஷீத் மீண்டும் முதலிடத்தில்

சர்வதேச கிரிக்கெட் பேரவையின் (ICC) ரி20 பந்துவீச்சாளர்களுக்கான தரவரிசையில் இங்கிலாந்து சுழல் வீரர் ஆதில் ரஷீத் மீண்டும் முதலிடத்திற்கு முன்னேற்றம் கண்டுள்ளார்.

இந்தியாவுக்கு எதிராக நடைபெற்று வரும் ஐந்து போட்டிகளைக் கொண்ட ரி20 தொடரின் முதல் மூன்று போட்டிகளில் சோபித்ததை அடுத்தே ரஷீத் முதலிடத்தை உறுதி செய்துள்ளார். ரஷீத் 2023 இல் முதல் முறை ரி20 தரவரிசையில் முதலிடத்திற்கு முன்னேறி சுமார் ஓர் ஆண்டு அந்த இடத்தை தக்கவைத்திருந்தார்.

எனினும் 2024 டிசம்பரில் மேற்கிந்திய தீவுகளின் ஆகில் ஹொஸைன் அவரை பின்தள்ளி முதலிடத்தை பிடித்திருந்தார். தற்போது ஹொஸைன் இரண்டாவது இடத்திற்கு தள்ளப்பட்டுள்ளார். ரி20 பந்துவீச்சாளர்கள் தரவரிசையில் இலங்கையின் வனிந்து ஹசரங்க தொடர்ந்து மூன்றாவது இடத்தை தக்கவைத்திருப்பதோடு அவர் முதலிடத்தில் இருக்கும் ரஷீதை விடவும் 20 தரநிலை புள்ளிகளால் பின்தங்கியுள்ளார்.