நடிகர் சூர்யாவின் பெரிதும் எதிர்பார்க்கப்பட்ட ‘கருப்பு’ திரைப்படத்தின் வெளியீடு தாமதமாகி வரும் நிலையில், அதன் இயக்குனர் ஆர்.ஜே. பாலாஜி தற்போது ஒரு புதிய வீடியோவை வெளியிட்டுள்ளார்.
அதில், தனது உணர்வுகளை உருக்கமாகப் பகிர்ந்துகொண்டு, திரையரங்குகளில் அப்படத்தின் தற்காலிக வெளியீடு குறித்து விளக்கமளித்துள்ளார்.
நடிகர், இயக்குநர், வர்ணனையாளர் எனப் பன்முகத் திறமை கொண்ட அவர், தனது இன்ஸ்டாகிராம் பக்கத்தில் பகிர்ந்த காணொளியில் கண்ணீருடன் அவர் ரசிகர்களிடம் மன்னிப்புக் கோரினார்.
அத்துடன், இன்று மாலைக்குள் பிரச்சினைகள் தீர்க்கப்பட்டு, அதன் மூலம் உலகெங்கிலும் உள்ள திரையரங்குகளில் படத்தின் மாலை மற்றும் இரவுக் காட்சிகள் வெளியாகும் என்றும் கூறினார்.
கருப்பு திரைப்படம் இன்று உலகெங்கும் திரையரங்குகளில் வெளியாகவிருந்தது. ஆனால், தயாரிப்புத் தரப்பிலிருந்து நிதியளிப்பாளர்களுடன் நிலுவையில் இருந்த நிதிப் பரிவர்த்தனைகள் காரணமாக, கடைசி நேரத்தில் முன்னெப்போதும் இல்லாத சிக்கல்களைச் சந்தித்தது.
இதன் விளைவாக, படத்தின் காலை மற்றும் மதியக் காட்சிகள் இரத்து செய்யப்பட்டன.
இது சமூக ஊடகங்களில் ரசிகர்கள் மற்றும் பார்வையாளர்களிடையே குழப்பம், கோபம் மற்றும் கடும் எதிர்ப்பு அலைகளைத் தூண்டியது.