22 கட்டங்களை கொண்ட இப்பருவ காலத்திற்கான motogp world championship தொடர் ஆரம்பமாகியுள்ளது. 7 கட்ட போட்டிகள் நிறைவுபெற்றுள்ள நிலையில் முன்னாள் சம்பியன் மார்க் மார்க்கஸ் 3 போட்டிகளில் வெற்றிப்பெற்று புள்ளிப்பட்டியலில் முன்னிலையிலுள்ளார். பன்யாய்யா,அலெக்ஸ் மார்க்கஸ்,ஸார்கோ மற்றும் பெஸ்ஸியாய்ச்சி ஆகியோர் ஒவ்வொரு வெற்றிகளை பதிவு செய்துள்ள நிலையில் 8வது கட்ட போட்டி ஸ்பெய்னில் நடைபெற்றது.
23 சுற்றுக்களை கொண்டதாக அமைந்த இப்போட்டியில் மார்க் மார்க்கஸ் முதலிடத்திற்கு முன்னேறியதோடு அவரின் தம்பியான அலெக்ஸ் மார்க்கஸ் இரண்டாமிடத்தில் போட்டியை தொடர்ந்தார். பெட்ரோ கொஸ்டா மற்றும் பன்யாய்யாவிற்கிடையில் 3மிடத்திற்கான போட்டி 2வது சுற்றில் சூடுபிடித்தது, இருந்தும் பன்யாய்யா 3மிடத்தை தனதாக்கிக் கொண்டார்.
4வது சுற்றில் கொஸ்டா 3 மிடத்திற்கு முன்னேறி போட்டியை மேலும் சுவாரஸ்யப்படுத்தி அசத்தினார். 9வது சுற்றில் வைத்து பன்யாய்யா இரண்டாமிடத்திலிருந்த அலெக்ஸ் மார்க்கசை பின்னுக்கு தள்ளி 2மிடத்தை பெற கடும் முயற்சிகளை மேற்கொண்டார். இருவருக்குமிடையில் சிறிய இடைவெளி தான் காணப்பட்டது. இருந்தும் சுதாகரித்துக்கொண்டு செயற்பட்ட மார்க்கஸ் தன்னுடைய இடத்தை பாதுகாத்துக்கொண்டார்.
13வது சுற்றில் வைத்து மார்க் மார்க்கஸ் இன்னும் சிறப்பாக செயற்பட்டு வேகத்தை அதிகரித்து போட்டியில் முன்னிலைக்கு சென்றார். குறைந்த நேரத்தில் அவர் தனது ஒவ்வொரு சுற்றையும் நிறைவு செய்து முதலிடத்தை தக்க வைத்துக்கொண்டார். 18வது சுற்றில் வைத்து 5மிடத்திற்கான போட்டி சூடுபிடிக்க தொடங்கியது. முதல் 4 இடங்களிலும் எந்தவித மாற்றமும் இல்லாமல் போட்டியில் ஆரம்பமுதல் வீரர்கள் ஒரே இலக்கில் பயணித்துக்கொண்டு சென்றனர். இருந்தும் 5மிடத்திலிருந்த மொர்பிடல்லியை பின்னுக்கு தள்ளி அல்டேகுவார் 5மிடத்திற்கு முன்னேறினார். இருந்தும் இவர்களுக்கிடையிலான போட்டியின் முடிவில் மீண்டும் தன்னுடைய இடத்தை தக்கவைத்துக்கொண்டார் மோர்பிடெல்லி,
5 சுற்றுக்களே எஞ்சியிருந்த நிலையில் போட்டியில் என்ன மாற்றம் ஏற்படும் என அனைவரும் காத்;திருந்த நிலையில் 5மிடத்திற்கான போட்டி மாத்திரம் சூடுபிடித்தது. இருந்தும் ஏனைய போட்டியாளர்கள் அதே இடத்தில் போட்டியை தொடர்ந்தனர்.
இந்நிலையில் எந்தவித போட்டியும் இல்லாமல் ஆரம்ப முதல் இறுதிவரை மார்க் மார்க்கஸ் முதலிடத்தை தக்க வைத்துக்கொண்டு 23 சுற்றுக்களையும் 41 நிமிடங்கள் 11 செக்கன்களில் போட்டி தூரத்தை நிறைவு செய்து மார்க் மார்க்ஸ் ஸ்பெய்ன் குரோன்ப்ரீ சம்பியனாக மாறியதோடு இப்பருவகாலத்தில் தனது 4வது வெற்றியை பதிவு செய்து அசத்தினார். அலெக்ஸ் மார்க்கஸ் இரண்டாமிடத்தை பெற்றுக்கொண்டார். பன்யாய்யா 3மிடத்தை பெற்றுக்கொண்டார்.