காஸா பகுதி, சினாய் தீபகற்பத்தின் வடகிழக்கில் மத்தியதரைக் கடலில் 140 சதுர மைல் (363 சதுர கி.மீ) பரப்பளவைக் கொண்டுள்ளது.
மத்தியதரைக் கடலின் கிழக்கு கடற்கரையில், காசா தென்மேற்கில் எகிப்து மற்றும் கிழக்கு மற்றும் வடக்கில் இஸ்ரேலை எல்லைகளாகக் கொண்டுள்ளது.
காசா முனையானது உலகின் மிக உயர்ந்த மக்கள்தொகை அடர்த்தி கொண்ட குடியேற்றப் பகுதியாக காணப்படுகின்றது,
இது தற்போதுள்ள எந்தவொரு நாட்டின் சட்டப்பூர்வ பகுதியாக அங்கீகரிக்கப்படவில்லை. மக்கள் தொகை (2023 மதிப்பீட்டின்படி) 2,229,000.
காசாவின் மக்கள் தொகையில் சுன்னி முஸ்லிம்கள் பெரும்பான்மையினராக உள்ளனர், இதில் பாலஸ்தீனிய கிறித்தவர்களும் சிறுபான்மையினராக உள்ளனர்.
1948 அரபு-இஸ்ரேலிய போரின் போது எகிப்தின் கட்டுப்பாட்டில் இருந்த பின்னர் இந்த பிராந்தியம் உருவானது, மேலும் ஆக்கிரமிப்பு இஸ்ரேல் நிறுவப்பட்ட போது சியோனிச ஆக்கிரமிப்பாளர்களினால் துரத்தப்பட்ட அல்லது வெளியேற்றப்பட்ட பாலஸ்தீனியர்களுக்கு புகலிடமாக காஸா மாறியது.
காஸா அரசியல்
1967 ஆண்டு நடைபெற்ற ஆறு நாள் போரின் போது, ஆக்கிரமிப்பு இஸ்ரேல் காசா பகுதியைக் கைப்பற்றியது, பல தசாப்தங்களாக பாலஸ்தீனிய பகுதிகளில் அதன் இராணுவ ஆக்கிரமிப்பைத் தொடங்கியது.
1990 களின் நடுப்பகுதியில் ஒஸ்லோ உடன்படிக்கையின் படி இரண்டு பிராந்தியங்களையும் நிர்வகிக்க பாலஸ்தீனிய அதிகாரத்தை நிறுவியது.
அப்போது இடதுசாரி கட்சியான ஃபத்தாவின் கீழ் காசா இருந்தது, 2006 ஆம் ஆண்டில் அந்த கட்சி இஸ்லாமிய அமைப்பான ஹமாஸிடம் தேர்தலில் தோல்வி அடையும் வரை நிர்வாகத்தில் இருந்தது.
காசாவின் நிர்வாகத்தை ஹமாஸ் அமைப்பினர் ஜனநாயக ரீதியாக மக்கள் ஆதரவுடன் கைப்பற்றியது.
காசாவின் நிலம், கடல் மற்றும் வான் பரப்பை சுற்றி ஆக்கிரமிப்பு இஸ்ரேல் முற்றுகையிட்டுள்ளது. மக்கள் சுதந்திரமாக பிராந்தியத்திற்குள் நுழைவதையோ அல்லது வெளியேறுவதையோ தடுத்து வருகின்றது,
இதனால் காசா பெரும்பாலும் “திறந்தவெளி சிறைச்சாலை” என்று அழைக்கப்படுகிறது. ஐ.நா.வும், குறைந்தது 19 மனித உரிமை அமைப்புகளும் தடையை நீக்குமாறு ஆக்கிரமிப்பு இஸ்ரேலை வலியுறுத்தியுள்ளன.
இப்பகுதியில் நடந்துவரும் ஆக்கிரமிப்பு நிகழ்வுகளினால் இன்னும் ஐந்து ஆண்டுகளில் மனிதர்கள் வாழ முடியாத பகுதியாக காஸா மாறி விடலாம் என்று ஐ.நா. சபையின் ஒரு கிளை நிறுவனமான வர்த்தகம், வளர்ச்சி பற்றிய ஐக்கிய நாடுகள் மாநாடு (UNCTAD) சுட்டிக்காட்டியுள்ளது.
தொகுப்பு ஆக்கம் | SARINIGAR
