தெஹியத்தகண்டிய பகுதியில் காட்டு யானை தாக்கியதில் பொலிஸ் அதிகாரி ஒருவர் உயிரிழந்துள்ளார்.
தெஹியத்தகண்டியவின் வலஸ்கல வனப்பகுதியில் இந்த சம்பவம் நடந்ததாக பொலிஸார் குறிப்பிட்டுள்ளனர்.
காட்டு யானை தாக்குதலால் காயமடைந்து சாலையில் விழுந்த குறித்த நபர், அந்த வழியாக பயணித்த பேருந்து மூலம் தெஹியத்தகண்டிய மருத்துவமனையில் அனுமதிக்கப்பட்ட பின்னர் உயிரிழந்துள்ளார்.
உயிரிழந்தவர் வீரலந்த, அரலகங்வில பகுதியைச் சேர்ந்த 53 வயதுடையவர் என்றும், அவர் தெஹியத்தகண்டிய காவல்துறையில் இணைக்கப்பட்ட ஒரு பொலிஸ் சார்ஜன்ட் என்றும் கூறப்படுகிறது.
கடமைக்காக காவல் நிலையத்திற்குச் சென்று கொண்டிருந்தபோது இந்த காட்டு யானை தாக்குதல் நடந்ததாக தெரியவந்துள்ளது.