இலங்கையின் ஜனாதிபதி என்பவர் மக்களால் தேர்தெடுக்கப்பட்ட அரச தலைவரும் அரசாங்கத்தின் நாட்டின் தலைவரும் ஆவார். இலங்கையின் மிக முக்கியமான அரசியல் பிரமுகராக ஜனாதிபதி காணப்படுகின்றார்.
இலங்கையின் ஜனாதிபதி பதவி 1972 இல் நிறுவப்பட்டது. அதனைத் தொடர்ந்து ஜே.ஆர். ஜெயவர்தனவினால் முன்வைக்கப்பட்ட 1978 ஆம் ஆண்டு அரசியலமைப்பின் வாயிலாக இந்த பதவிக்கு சகல அதிகாரங்களும் உள்ளடங்கிய நிறைவேற்று அதிகார ஆட்சி முறைமை சேர்க்கப்பட்டது.
இலங்கை ஜனாதிபதி எவ்வாறு தேர்ந்தெடுக்கப்படுகிறார்?
தகுதி
இலங்கை ஜனாதிபதித் தேர்தலில் போட்டியிடும் ஒரு வேட்பாளர் அங்கீகரிக்கப்பட்ட அரசியல் கட்சியால் அல்லது தேர்ந்தெடுக்கப்பட்ட சட்டமன்ற உறுப்பினரால் பரிந்துரைக்கப்படுவது உள்ளிட்ட சில தகுதி நிபந்தனைகளை பூர்த்தி செய்ய வேண்டும். மக்களால் இரண்டு தடவைகள் ஜனாதிபதிப் பதவிக்குத் தெரிவு செய்யப்பட்ட எவரும் அதன் பின்னர் மக்களால் அத்தகைய பதவிக்குத் தெரிவு செய்யப்படுவதற்கான தகுதியுடையவர் அல்லர்.
தேர்வு செயல்முறை
ஐந்தாண்டு காலத்திற்கு நாடளாவிய ரீதியில் இலங்கை ஜனாதிபதித் தேர்தல் நடைபெறும். இலங்கையில் தெரிவு செய்யப்பட்ட ஜனாதிபதியொருவர் தான் தெரிவு செய்யப்பட்ட பதவிக்காலத்திற்காக பகிரங்க சத்தியப்பிரமாணம் செய்து கொண்ட தினத்திலிருந்து நடைமுறைக்கு வரும் வகையில் ஒவ்வொரு பதவிக்காலமும் ஆகக் கூடியது இரண்டு பதவிக்காலங்களுக்கு சேவை செய்ய முடியும்.
வில்லியம் கோபல்லவஇலங்கையின் முதலாவது நிறைவேற்று அதிகாரமற்ற ஜனாதிபதி
பதவிக்காலம் | 22 மே 1972 – 4 பெப்ரவரி 1978 (5 ஆண்டுகள், 8 மாதங்கள் மற்றும் 13 நாட்கள்)
1972 ஆம் ஆண்டில் இலங்கை குடியரசாக அறிவிக்கப்பட்டு அதன் பெயர் இலங்கை என மாற்றப்பட்ட போது அவர் இலங்கையின் கடைசி பிரதமராகவும் அதன் முதலாவது (நிறைவேற்று அதிகாரமற்ற) ஜனாதிபதியாகவும் பணியாற்றினார்.
மேலதிக தகவல்களுக்கு –
வில்லியம் கோபல்லவ – இலங்கையின் முதலாவது ஜனாதிபதி
ஜெயவர்தன முதலாவது நிறைவேற்று அதிகாரம் கொண்ட ஜனாதிபதி
பதவிக்காலம் | 4 பெப்ரவரி 1978 – 2 ஜனவரி 1989 (10 ஆண்டுகள், 11 மாதங்கள் மற்றும் 29 நாட்கள்)
அரசியற் கட்சி | ஐக்கிய தேசியக் கட்சி
1978 ஆம் ஆண்டு நிறைவேற்று அதிகாரம் கொண்ட ஜனாதிபதி முறைமை அறிமுகப்படுத்தப்பட்டு அவர் இலங்கை ஜனாதிபதியாக ஆட்சிப் பொறுப்பேற்றார். 1978 இல் நாட்டின் முதல் நிறைவேற்று அதிகாரம் கொண்ட ஜனாதிபதியாக பதவியேற்ற பிரதமராக ஜெயவர்தன இருந்தார்.
மேலதிக தகவல்களுக்கு –
ஜே.ஆர். ஜெயவர்தன – நிறைவேற்று அதிகாரமிக்க இலங்கையின் 1வது ஜனாதிபதி
ரணசிங்க பிரேமதாசஇரண்டாவது நிறைவேற்று அதிகாரம் கொண்ட ஜனாதிபதி
பதவிக்காலம் | 2 ஜனவரி 1989 – 1 மே 1993 (4 ஆண்டுகள் மற்றும் 4 மாதங்கள்)
அரசியற் கட்சி | ஐக்கிய தேசியக் கட்சி
பிரேமதாச இரண்டாவது நிறைவேற்று அதிகாரம் கொண்ட ஜனாதிபதியாக பதவியேற்றார், உள்நாட்டுப் போர் மற்றும் மார்க்சிஸ்டுகள்-மக்கள் விடுதலை முன்னணி (ஜே.வி.பி) தலைமையிலான கிளர்ச்சியின் பின்னணியில் தேர்தல் நடைபெற்றது.
அவர் மே தினக் கூட்டமொன்றில் புலிகளின் தற்கொலைக் குண்டுதாரியால் கொல்லப்பட்டார்.
மேலதிக தகவல்களுக்கு –
ரணசிங்க பிரேமதாச – நிறைவேற்று அதிகாரமிக்க இலங்கையின் 2வது ஜனாதிபதி
டி.பி. விஜேதுங்கமூன்றாவது நிறைவேற்று அதிகாரம் கொண்ட ஜனாதிபதி
பதவிக்காலம் | மே 1, 1993 – நவம்பர் 12, 1994
அரசியற் கட்சி | ஐக்கிய தேசியக் கட்சி
ஜனாதிபதி ரணசிங்க பிரேமதாசவின் படுகொலையைத் தொடர்ந்து அரசியலமைப்பு ரீதியாக டி.பி. விஜேதுங்க ஜனாதிபதியாக பதவியேற்றார்.
மேலதிக தகவல்களுக்கு –
டி.பி விஜேதுங்க – நிறைவேற்று அதிகாரமிக்க இலங்கையின் 3வது ஜனாதிபதி
சந்திரிகா குமாரதுங்கநான்காவது நிறைவேற்று அதிகாரம் கொண்ட ஜனாதிபதி
பதவிக்காலம் | (12 நவம்பர் 1994 – 19 நவம்பர் 2005)
அரசியற் கட்சி | இலங்கை சுதந்திரக் கட்சி
1994 நடைபெற்ற ஜனாதிபதித் தேர்தலில் இலங்கையின் முதல் பெண் ஜனாதிபதியாக தேர்தெடுக்கப்பட்டார்.
மேலதிக தகவல்களுக்கு –
சந்திரிகா குமாரதுங்க – நிறைவேற்று அதிகாரமிக்க இலங்கையின் 4வது ஜனாதிபதி
மஹிந்த ராஜபக்ஷ ஐந்தாவது நிறைவேற்று அதிகாரம் கொண்ட ஜனாதிபதி
பதவிக்காலம் | 2005 நவம்பர் 19 முதல் 2015 ஜனவரி 9
அரசியற் கட்சி | இலங்கை சுதந்திரக் கட்சி
நாட்டின் போரால் பாதிக்கப்பட்ட வடக்கு மற்றும் கிழக்கு மாகாணத்தில் நடந்து வரும் உள்நாட்டுப் போர் மற்றும் இன சிறுபான்மை தமிழர்களின் தேர்தல் புறக்கணிப்புக்கு மத்தியில் ராஜபக்சே தனது முதல் பதவிக்காலத்தை வென்றார்.
சுமார் மூன்று தசாப்த காலம் நடைபெற்ற உள்நாட்டு யுத்தத்தை தன் ஆட்சிக் காலத்தில் இரானுவ ரீதியாக முடிவுக்குக் கொண்டுவந்தார்.
உள்நாட்டுப் போரில் வெற்றி பெற்ற ராஜபக்சே, தனது சொந்த ராணுவ தளபதி பொன்சேகாவை தோற்கடித்து மீண்டும் தேர்தலில் வெற்றி பெற்றார்.
மேலதிக தகவல்களுக்கு –
மகிந்த ராஜபக்ஷ – நிறைவேற்று அதிகாரமிக்க இலங்கையின் 5வது ஜனாதிபதி
மைத்திரிபால சிறிசேனஆறாவது நிறைவேற்று அதிகாரம் கொண்ட ஜனாதிபதி
பதவிக்காலம் | 9 ஜனவரி 2015 – 18 நவம்பர் 2019
அரசியற் கட்சி | இலங்கை சுதந்திரக் கட்சி
2015 ஜனாதிபதித் தேர்தலில் ஐக்கிய தேசியக் கட்சி மற்றும் இன்னும் பல கட்சிகள், இயக்கங்களின் ஆதரவுடன் ஜனாதிபதித் தேர்தலில் போட்டியிட்டு வெற்றி பெற்றார்.
மேலதிக தகவல்களுக்கு –
மைத்திரிபால சிறிசேன – நிறைவேற்று அதிகாரமிக்க இலங்கையின் 6வது ஜனாதிபதி
கோட்டாபய ராஜபக்ஷ ஏழாவது நிறைவேற்று அதிகாரம் கொண்ட ஜனாதிபதி
பதவிக்காலம் | 18 நவம்பர் 2019 – 14 ஜூலை 2022
அரசியற் கட்சி | ஸ்ரீலங்கா பொதுஜன பெரமுன
உலகளாவிய கோவிட் -19 தொற்றுநோயுடன் விதிக்கப்பட்ட கட்டுப்பாடுகள் காரணமாக நாட்டின் பொருளாதாரம் பாரியளவில் பாதிப்புக்குள்ளாகியதால் கோட்டாபய ராஜபக்ஷ ஆட்சி க்கு எதிராக நாடு முழுவதும் கிளர்ச்சிகள் வெடித்தன, இதன் விளைவாக கோட்டாபய ராஜபக்ஷ தனது ஆட்சிப் பதவியை இராஜினாமா செய்து நாட்டை விட்டு வௌியேறினார்.
மேலதிக தகவல்களுக்கு –
கோட்டாபய ராஜபக்ஷ – நிறைவேற்று அதிகாரம் பெற்ற இலங்கையின் 7வது ஜனாதிபதி
ரணில் விக்கிரமசிங்க – எட்டாவது நிறைவேற்று அதிகாரம் கொண்ட ஜனாதிபதி
பதவிக்காலம் | 21 ஜூலை 2022 முதல் – 22 செப்டம்பர் 2024 வரை
அரசியற் கட்சி | ஐக்கிய தேசியக் கட்சி
கோட்டாபய ராஜபக்ஷ தனது பதவியை இராஜினாமா செய்து நாட்டை விட்டு சென்றதன் பின்னர் அரசியலமைப்பின் படி பாராளமன்ற உறுப்பினர்களின் பெருன்பான்மை ஆதரவைப் பெற்று ஜனாதிபதியானார்.
2024ல் நடைபெற்ற ஜனாதிபதித் தேர்தலில் சுயேட்சை ஜனாதிபதி வேட்பாளராக போட்டியிட்ட ரணில் விக்ரமசிங்க வாக்கு எண்ணிக்கை அடிப்படையில் மூன்றாம் இடம் பெற்று தோல்வியடைந்ததை தொடர்ந்து 2024 செப்டம்பர் மாதம் 22 திகதி தனது ஜனாதிபதி பதவியிலிருந்து விலகிக் கொண்டார்.
மேலதிக தகவல்களுக்கு –
ரணில் விக்கிரமசிங்க – நிறைவேற்று அதிகாரம் பெற்ற இலங்கையின் 8வது ஜனாதிபதி
அநுர குமார திஸாநாயக ஒன்பதாவது நிறைவேற்று அதிகாரம் கொண்ட ஜனாதிபதி
பதவிக்காலம் | 23 செப்டம்பர 2024 முதல் –
அரசியற் கட்சி | தேசிய மக்கள் சக்தி
2024ல் நடைபெற்ற ஜனாதிபதித் தேர்தலில் இரண்டாவது விருப்பு வாக்குகள் எண்ணப்பட்டு பெரும்பான்மை வாக்குகளுடன் அநுர குமார திஸாநாயக ஒன்பதாவது நிறைவேற்று அதிகாரம் கொண்ட ஜனாதிபதியாக தெரிவு செய்யப்பட்டார்.
மேலதிக தகவல்களுக்கு –
அநுர குமார – நிறைவேற்று அதிகாரம் பெற்ற இலங்கையின் 9வது ஜனாதிபதி
