எரிந்த நிலையில் முதியவர் சடலமாக மீட்பு

வயோதிபரின் வீட்டில் இருந்து புகை வெளிவருவதை அவரது உறவினர் அவதானித்து வீட்டின் உள்ளே சென்று பார்த்த போது வயோதிபர் படுக்கையில் தீயில் எரிந்த நிலையில் காணப்பட்டுள்ளார்.

சம்பவம் தொடர்பில்  காவல்துறையினருக்கு அறிவிக்கப்பட்டதை , சம்பவ இடத்திற்கு சென்ற காவல்துறையினர் விசாரணைகளை முன்னெடுத்ததுடன் , சடலத்தை மீட்டு , உடற்கூற்று பரிசோதனைக்காக யாழ் . போதனா வைத்தியசாலையில் ஒப்படைத்துள்ளனர்.

கடந்த சில நாட்களாக குறித்த முதியவர் நடக்க முடியாத நிலையில் தனது வீட்டில் தனிமையில்  வாழ்ந்து வந்ததாகவும், புகைப்பிடிக்கும் பழக்கம் கொண்டவராக காணப்பட்டமையால் , அவர் புகைப்பிடிக்கும் போது மெத்தையில் நெருப்பு பட்டு இருக்கலாம் என ஆரம்ப கட்ட விசாரணைகளில் தெரிய வந்துள்ளது.  சம்பவம் தொடர்பில் ஊர்காவற்துறை காவல்துறையினர் விசாரணைகளை முன்னெடுத்துள்ளனர்.