110
வெனிசுலாவின் முன்னாள் அதிபர் நிக்கோலஸ் மதுரோவின் ஆட்சிக் காலத்தில் இஸ்ரேலுக்கு எண்ணெய் ஏற்றுமதி செய்ய விதிக்கப்பட்டிருந்த தடை நீக்கப்பட்டு, பல ஆண்டுகளுக்குப் பிறகு முதன்முறையாக வெனிசுலா கச்சா எண்ணெய் இஸ்ரேலுக்கு அனுப்பப்பட்டுள்ளது. அமெரிக்காவின் நேரடி மேற்பார்வையில் நடைபெறும் இந்த மாற்றம் பேசுபொருளாகியுள்ளது.
2020-ஆம் ஆண்டுக்குப் பிறகு (சில தகவல்களின்படி 2009-க்குப் பிறகு முதல்முறை) வெனிசுலாவிலிருந்து இஸ்ரேலுக்குச் செல்லும் முதல் எண்ணெய் கப்பல் இதுவாகும். இஸ்ரேலின் மிகப்பெரிய எண்ணெய் சுத்திகரிப்பு நிறுவனமான பசான் குழுமம் (Bazan Group) இந்த எண்ணெயைப் பெறுகிறது.கடந்த மாதம் மதுரோ கைது செய்யப்பட்டதைத் தொடர்ந்து, வெனிசுலாவின் எண்ணெய் விற்பனையை அமெரிக்க டிரம்ப் நிர்வாகம் தனது கட்டுப்பாட்டில் எடுத்துள்ளது.
சீனாவுக்கு அதிகளவில் எண்ணெய் விற்று வந்த வெனிசுலா, தற்போது அமெரிக்காவின் வழிகாட்டுதலால் இந்தியா, ஸ்பெயின் மற்றும் இஸ்ரேல் போன்ற நாடுகளுக்கு ஏற்றுமதி செய்யத் தொடங்கியுள்ளது.
ஹியூகோ சாவேஸ் மற்றும் மதுரோ காலங்களில் இஸ்ரேலுடனான உறவு துண்டிக்கப்பட்டிருந்தது. தற்போது ஏற்பட்டுள்ள அரசியல் மாற்றங்கள் இந்த வர்த்தகப் பாதையை மீண்டும் திறந்துள்ளன.
வெனிசுலாவின் எண்ணெய் விற்பனை மூலம் கிடைக்கும் வருவாய், அமெரிக்காவின் மேற்பார்வையில் ஒரு குறிப்பிட்ட கணக்கில் வைக்கப்பட்டு, அந்நாட்டு மக்களின் அத்தியாவசியத் தேவைகளுக்காக மட்டுமே பயன்படுத்தப்படும் என்று தெரிவிக்கப்பட்டுள்ளது.