🇧🇩 🔥 பங்களாதேஷில் பதற்றம்: மாணவர் தலைவர் சுட்டுக் கொலை – டாக்காவில் வன்முறை! 🚨

45

பங்களாதேஷ் முன்னாள் பிரதமர் ஷேக் ஹசீனாவை பதவியில் இருந்து வீழ்த்திய இளைஞர் இயக்கத்தின் முக்கிய தலைவர்களில் ஒருவரான ஷெரீப் உஸ்மான் ஹாடி (Sharif Osman Hadi) கொல்லப்பட்டதைத் தொடர்ந்து, பங்களாதேஷில் மீண்டும் வன்முறைச் சூழல் உருவாகியுள்ளது.

சம்பவம் மற்றும் பின்னணி:

• கடந்த வாரம் டாக்காவில் உள்ள மசூதியிலிருந்து வெளியே வந்தபோது அடையாளம் தெரியாத துப்பாக்கிதாரிகளின் தாக்குதலுக்கு ஹாடி இலக்காகியிருந்தார்.

• சிங்கப்பூரில் சிகிச்சை பெற்று வந்த அவர் வியாழக்கிழமை (18) அன்று உயிரிழந்தார்.

• 2024 போராட்டத்திற்குப் பின்னர் பங்களாதேஷ் தேர்தலுக்கான திகதியை அறிவித்த மறுநாளே இந்த துப்பாக்கிச் சூடு நடத்தப்பட்டிருப்பது குறிப்பிடத்தக்கது. அவர் அத்தேர்தலில் சுயேச்சை வேட்பாளராகப் போட்டியிடத் தீர்மானித்திருந்தார்.

வன்முறை வெடிப்பு:

• அவரது மரணச் செய்தி வெளியானதும், நூற்றுக்கணக்கான ஆதரவாளர்கள் தலைநகர் டாக்காவில் திரண்டு போராட்டங்களைத் தொடங்கினர்.

• அவர்கள் பங்களாதேஷின் பிரதான பத்திரிகைகளான ‘தி டெய்லி ஸ்டார்’ (The Daily Star) மற்றும் ‘ப்ரோதோம் ஆலோ’ (Prothom Alo) அலுவலகங்களுக்குக் கடுமையான சேதம் விளைவித்ததுடன், ஒரு கட்டிடத்திற்குத் தீயிட்டனர்.

• பாதுகாப்புப் படையினர் வரவழைக்கப்பட்டு, கட்டிடத்திற்குள் சிக்கியிருந்த ஊடகவியலாளர்கள் மீட்கப்பட்டனர்.

முக்கிய தகவல்கள்:

• 32 வயதான ஹாடி, ‘இன்குலாப் மஞ்ச்’ (Inquilab Mancha) எனும் மாணவர் போராட்டக் குழுவின் சிரேஷ்ட தலைவராவார்.

• அண்டை நாடான இந்தியாவை பகிரங்கமாகக் கடுமையாக விமர்சித்தவர் என கூறப்படுகிறது.

அரசாங்கத்தின் எதிர்வினை:

• பங்களாதேஷ் இடைக்கால அரசாங்கத்தின் தலைவர், நோபல் பரிசு பெற்ற முஹம்மது யூனுஸ், ஹாடியின் மரணத்தை “நாட்டிற்கு ஈடுசெய்ய முடியாத இழப்பு” என வர்ணித்துள்ளார்.

• இந்தத் துப்பாக்கிச் சூடு திட்டமிட்ட தாக்குதல் என்றும், தேர்தலை சீர்குலைப்பதே சதிகாரர்களின் நோக்கம் என்றும் அவர் தெரிவித்துள்ளார்.

• இடைக்கால அரசாங்கம் நாளை (20) தேசிய துக்க தினமாகப் பிரகடனப்படுத்தியுள்ளது.

• துப்பாக்கிச் சூடு தொடர்பாகச் சில நபர்கள் கைது செய்யப்பட்டுள்ளனர்.

கடந்த வருடம் ஆகஸ்ட் 5 ஆம் திகதி, பல வாரங்களாக நீடித்த மாணவர் போராட்டங்களைத் தொடர்ந்து, 15 வருட கால சர்வாதிகார ஆட்சியை முடிவுக்குக் கொண்டு வந்து ஷேக் ஹசீனா இந்தியாவிற்குத் தப்பிச் சென்றார். இந்தப் போராட்டங்களின் போது ஆயிரத்திற்கும் மேற்பட்டோர் உயிரிழந்தமை குறிப்பிடத்தக்கது.

#Bangladesh #SharifOsmanHadi #StudentLeader #Protest #Dhaka #Violence #Politics #InquilabMancha #SheikhHasina #MuhammadYunus #NationalMourning #BangladeshNews #பங்களாதேஷ் #மாணவர்போராட்டம் #டாக்கா #அரசியல்