இலங்கையின் வெளிவிவகார பிரதி அமைச்சர் அருண் ஹேமச்சந்திரா இன்று (13) கட்டார் அமைச்சர் சுல்தான் பின் சாத் பின் சுல்தான் அல் முரைகியுடன் தொலைபேசி உரையாடலொன்றை நடத்தியுள்ளார்.
உரையாடலின் போது, கட்டாரில் அண்மையில் இஸ்ரேல் நடத்திய தாக்குதல்கள் குறித்து இலங்கை சார்பில் பிரதி அமைச்சர் கவலை தெரிவித்ததுடன், இந்த நேரத்தில் கட்டார் அரசாங்கத்துடன் இலங்கை அரசாங்கமும் மக்களும் கொண்டுள்ள ஒற்றுமையை வெளிப்படுத்தினார்.
இலங்கைக்கும் கட்டாருக்கும் இடையிலான நெருக்கமான மற்றும் நீண்டகால உறவுகளை இரு அமைச்சர்களும் மதிப்பாய்வு செய்ததுடன் மேலும் பரஸ்பர ஆர்வமுள்ள துறைகளில் இருதரப்பு ஒத்துழைப்பை மேலும் வலுப்படுத்துவதற்கான தங்கள் உறுதிப்பாட்டை மீண்டும் உறுதிப்படுத்தியதாகத் தெரிவிக்கப்பட்டுள்ளது.