சின்சினாட்டி பகிரங்க டென்னிஸ் தொடரின் காலிறுதிப்போட்டியில் பெலிக்ஸ் ஆகரை வீழ்த்தி ஜனிக் சின்னர் அரையிறுதிச் சுற்றுக்கு தகுதிப்பெற்று அசத்தினார்.
சின்சினாட்டி சர்வதேச பகிரங்க டென்னிஸ் போட்டி அமெரிக்காவின் சின்சினாட்டி நகரில் இடம்பெற்று வருகிறது. இது அமெரிக்க பகிரங்க தொடருக்கு முன்னோட்டமாகக் கருதப்படுகிறது.
இப் போட்டியில் முன்னணி வீரர், வீராங்கனைகள் பங்கேற்று விளையாடி வருகின்றனர். இதில் இன்று நடந்த ஆண்கள் ஒற்றையர் பிரிவின் காலிறுதி போட்டியில் இத்தாலியைச் சேர்ந்த முதல்நிலை வீரரான ஜானிக் சின்னர், கனடாவின் பெலிக்ஸ் ஆகர் உடன் மோதினார்.
இதில் அதிரடியாக ஆடிய சின்னர் முதல் செட்டை இலகுவாக 6-0 என்ற கணக்கில் கைப்பற்றி அசத்தினார். பின்னர் இரண்டாவது செட் ஆட்டம் தொடங்கிய நிலையில் அதிலும் சின்னரின் ஆதிக்கமே தொடங்கியது. அந்த செட்டையும் 6-2 என்ற கணக்கில் எளிதில் வென்று 6-0,6-2 என்ற நேர் செட் கணக்கில் கைப்பற்றி அரையிறுதி சுற்றுக்கு முன்னேறினார்.