விசா நிபந்தனைகளை மீறி, விசா காலாவதியான நிலையில் இலங்கையில் தங்கியிருந்த 155 இந்தியர்கள் அடங்கிய குழு குடிவரவு மற்றும் குடியகல்வுத் துறை அதிகாரிகளால் கைது செய்யப்பட்டதாகத் தெரிவிக்கப்படுகிறது.
கைது செய்யப்பட்டதைத் தொடர்ந்து, இந்தியர்கள் தங்கள் தனிப்பட்ட விசா கட்டணமான 200 அமெரிக்க டொலர்களையும், குடிவரவுத் திணைக்களத்துக்கு 500 அமெரிக்க டொலர் அபராதத்தையும் செலுத்த வேண்டிய கட்டாயம் ஏற்பட்டது.
கொழும்பில் உள்ள ஒரு கட்டிடத்தில் நடத்தப்பட்ட சோதனையின் போது இந்திய பிரஜைகள் கைது செய்யப்பட்டதாக தெரிவிக்கப்படுகிறது.
இந்த கட்டிடம் ஆன்லைன் சந்தைப்படுத்தல் மற்றும் பந்தய நடவடிக்கைகளில் ஈடுபட்டுள்ள ஒரு சர்வதேச தகவல் தொழில்நுட்ப நிறுவனத்திற்கான பின் அலுவலகத்தை நடத்துவதற்காக உள்ளூர் நிறுவனத்தால் பயன்படுத்தப்பட்டது.
சோதனையின் போது கைது செய்யப்பட்ட 25-54 வயதுக்குட்பட்ட குழு, வதிவிட விசாவில் இலங்கைக்கு வந்து, உள்ளூர் நிறுவனத்தில் தொடர்ந்து பணியாற்றுவதற்காக ஒரு மாதம் முதல் ஒரு வருடம் வரை தங்கியிருந்தது.
வெலிசரவில் உள்ள குடிவரவுத் துறையின் தடுப்பு மையத்தில் இடம் இல்லாததால், தேவையான அபராதங்களை செலுத்திய பின்னர் உடனடியாக நாட்டை விட்டு வெளியேறுமாறு இந்திய பிரஜைகளுக்கு அறிவுறுத்தப்பட்டுள்ளது.