போர்ச்சுகல் வீரர் கிறிஸ்டியானோ ரொனால்டோ, 2026-ஆம் ஆண்டு நடைபெற உள்ள உலகக் கோப்பைத் தொடர் தனது கடைசி சர்வதேச தொடராக இருக்கும் என்று அதிகாரப்பூர்வமாக அறிவித்துள்ளார்.
40 வயதான ரொனால்டோ, “கடந்த 25 ஆண்டுகளாக கால்பந்துக்காக எல்லாவற்றையும் செய்துவிட்டேன். அநேகமாக ஒன்று அல்லது இரண்டு ஆண்டுகள் மட்டுமே விளையாடுவேன்” என்று தெரிவித்தார்.
இது ரசிகர்களிடையே பெரும் அதிர்ச்சியையும் சோகத்தை ஏற்படுத்தியுள்ளது. 2026 உலகக் கோப்பை ரொனால்டோவுக்கு ஆறாவது உலகக் கோப்பைத் தொடராக அமையும்.
இதுவரை ஐந்து உலகக் கோப்பைகளில் விளையாடிய ரொனால்டோ, போர்ச்சுகல் அணியை வழிநடத்தி யூரோ 2016 பட்டத்தை வென்றார்.
ஐந்து முறை பாலன் டி’ஓர் விருது வென்ற ஒரே வீரர் என்ற பெருமையும் ரொனால்டோவுக்கு உண்டு. சர்வதேச மற்றும் கிளப் அளவில் 953 கோல்கள் அடித்துள்ள அவர், சர்வதேச ஆண்கள் கால்பந்தில் அதிக கோல் (143) அடித்தவர் என்ற சாதனையைப் படைத்துள்ளார்.
ரொனால்டோவின் ஓய்வு அறிவிப்பு கால்பந்து உலகில் பெரும் அதிர்ச்சியை ஏற்படுத்தியுள்ளது.
தற்போது சவுதி அரேபிய கிளப் அல் நாஸ்ரில் விளையாடி வரும் ரொனால்டோ, உடற்தகுதியைப் பேணிவருகின்றார்.
2026 உலகக் கோப்பைக்குப் பிறகு ஓய்வு பெறுவேன் என்ற அறிவிப்பு ரசிகர்களை உணர்ச்சிவசப்பட வைத்துள்ளது. “எனது கடைசி உலகக் கோப்பை” என்று ரொனால்டோ கூறியது உலகம் முழுவதும் பேசப்பட்டுவருகின்றது.
ரொனால்டோவின் தொழில்முறை வாழ்க்கை 2002-ஆம் ஆண்டு தொடங்கியது. மான்செஸ்டர் யுனைடெட், ரியல் மாட்ரிட், ஜுவென்டஸ், அல் நாஸ்ர் உள்ளிட்ட கிளப்களில் விளையாடி பல சாம்பியன் பட்டங்களை வென்றுள்ளார்.
போர்ச்சுகல் அணிக்காக 200-க்கும் மேற்பட்ட போட்டிகளில் விளையாடிய ஒரே வீரர் என்ற பெருமையும் ரொனால்டோவுக்கு உண்டு. 2026 உலகக் கோப்பையில் போர்ச்சுகலை வென்றால் ஓய்வு பொன்னானதாக அமையும் என்று ரசிகர்கள் நம்புகின்றனர்.
ரொனால்டோவின் ஓய்வு அறிவிப்பு கால்பந்து உலகில் ஒரு யுகத்தின் முடிவாகப் பார்க்கப்படுகிறது.
லயனல் மெஸ்ஸியுடனான போட்டி, சாதனைகள், உழைப்பு ஆகியவை ரொனால்டோவை ஜாம்பவானாக்கின. 2026 உலகக் கோப்பை ரொனால்டோவின் கடைசி நடை என்று ரசிகர்கள் உணர்ச்சிவசப்பட்டு வருகின்றனர்.
#ThankYouRonaldo, #CR7Forever போன்ற ஹேஷ்டேக்குகள் சமூக வலைதளங்களில் பேசுபொருளாகியுள்ளமை குறிப்பிடத்தக்கது.