2026 இந்தியன் பிரீமியல் லீக் தொடரில் நேற்றிரவு (08) நடைபெற்ற ஆட்டத்தில் டேவிட் மில்லரின் இறுதி நேர அதிரடித் தாக்குதலையும் மீறி குஜராத் டைட்டன்ஸ் அணியானது ஒரு ஓட்ட வித்தியாசத்தில் டெல்லி கேபிட்டல்ஸை வீழ்த்தி த்ரில் வெற்றி பெற்றது.
பிரசித் கிருஷ்ணாவின் கடைசிப் பந்தில் இரண்டு ஓட்டங்கள் தேவைப்பட்ட நிலையில், மில்லர் வெற்றிக்கான அந்த வாய்ப்பினை தவறவிட்டார்.
211 என்ற இலக்கினை சேஸிங் செய்த டெல்லி கேபிட்டல்ஸ் அணியானது 209-8 என்ற நிலையில் ஆட்டத்தை முடித்தது.
நேற்றிரவு 07.30 மணிக்கு அருண் ஜெட்லி மைதானத்தில் ஆரம்பமான இப் போட்டியில் நாணய சுழற்சியில் வெற்றி பெற்ற டெல்லி அணியின் தலைவர் அக்ஸர் படேல் முதலில் பந்து வீச்சினை தேர்வு செய்தார்.
அதன்படி, முதலில் துடுப்பெடுத்தாடுவதற்கு களமிறங்கிய சுப்மன் கில் தலைமையிலான குஜராத் அணியானது நிர்ணயிக்கப்பட்ட 20 ஓவர்களில் 4 விக்கெட் இழப்புக்கு 210 ஓட்டங்களை குவித்தது.
சுப்மன் கில் (70), வொஷிங்டன் சுந்தர் (55) மற்றும் பட்லர் (52) ஆகியோரின் அரைசதங்கள் குஜராத் அணியை 210 என்ற ஓட்ட இலக்கினை எட்ட வழிவகுத்தது.
பின்னர் 211 என்ற வெற்றி இலக்கினை நோக்கி பதிலுக்குத் துடுப்பெடுத்தாடிய டெல்லி அணியானது 20 ஓவர்களில் எட்டு விக்கெட்டுகளை இழந்து 208 ஓட்டங்களை மாத்திரம் எடுத்தது.
டெல்லி அணி சார்பில் கே.எல்.ராகுல் 52 பந்துகளில் 92 ஓட்டங்களையும், டேவிட் மில்லிர் மற்றும் பத்தும் நிஸ்ஸங்க ஆகியோர் தலா 41 ஓட்டங்களையும் எடுத்தனர்.
பந்து வீச்சில் ரஷித் கான் 17 ஓட்டங்களை வழங்கி மூன்று எடுத்ததுடன், போட்டியின் நாயகனாகவும் தெரிவானார்.