ஜப்பான் பயணத்தை முடித்துகொண்டு நாடு திரும்பினார் அநுர

ஜப்பானுக்கான உத்தியோகபூர்வ விஜயத்தை முடித்துக்கொண்டு ஜனாதிபதி அனுரகுமார திசாநாயக்க நாடு திரும்பியுள்ளார்.

இன்று (01) காலை கட்டுநாயக்கவில் உள்ள பண்டாரநாயக்க சர்வதேச விமான நிலையம் வழியாக அவர் இலங்கையை வந்தடைந்தார்.

ஐக்கிய நாடுகள் சபையின் 80வது பொதுச் சபை அமர்வில் கலந்து கொள்வதற்காக ஜனாதிபதி செப்டம்பர் 22 ஆம் திகதி இலங்கையிலிருந்து அமெரிக்கா சென்றார்.

இதன் பின்னர், ஜப்பானிய அரசாங்கத்தின் அழைப்பின் பேரில், ஜனாதிபதி செப்டம்பர் 27 ஆம் திகதி ஜப்பானின் ஒசாகாவில் உள்ள கன்சாய் சர்வதேச விமான நிலையத்தை சென்றடைந்தார்.

வெளிவிவகார, வெளிநாட்டு வேலைவாய்ப்பு மற்றும் சுற்றுலா அமைச்சர் விஜித ஹெராத், வெளிவிவகார அமைச்சின் மூத்த அதிகாரிகளும் இந்த விஜயத்தில் ஜனாதிபதியுடன் சென்றனர்.

விஜயத்தை முடித்துக்கொண்டு, ஜனாதிபதி தலைமையிலான தூதுக்குழு இன்று காலை 9.30 மணிக்கு தாய்லாந்தின் பாங்காக்கிலிருந்து இலங்கை ஏர்லைன்ஸ் விமானம் UL-403 மூலம் இலங்கைக்கு திரும்பியது.