ஜோதிடக் கணிப்புகளின்படி, 2026 ஆம் ஆண்டு பிப்ரவரி மாதம் மிகவும் முக்கியமான காலமாக கருதப்படுகிறது. இந்த மாதத்தில் பல கிரகங்கள் ஒரே ராசியில் சேர்ந்து பயணிப்பதால் பல முக்கிய ராஜயோகங்கள் உருவாக உள்ளன. குறிப்பாக சனி பகவான் ஆட்சி செய்யும் கும்ப ராசியில் சூரியன் மற்றும் சுக்கிரன் இணைவது சிறப்பு வாய்ந்ததாக பார்க்கப்படுகிறது.
பிப்ரவரி 06 ஆம் தேதி சுக்கிரன் கும்ப ராசிக்குள் நுழைகிறார். அப்போது ஏற்கனவே அங்கு இருக்கும் புதனுடன் இணைவதால் லட்சுமி நாராயண ராஜயோகம் உருவாகிறது. அதோடு ராகுவும் அங்கே இருப்பதால் திரிகிரக யோகம் உருவாகும்.
இதனைத் தொடர்ந்து பிப்ரவரி 13 ஆம் தேதி சூரியன் கும்ப ராசிக்குள் நுழைந்து சுக்கிரனுடன் இணைவதால் சுக்ராதித்ய ராஜயோகம் உருவாகிறது. இந்த கிரகச் சேர்க்கையின் விளைவாக மீன ராசியில் விபரீத ராஜயோகம் உருவாகி, சில ராசிக்காரர்களுக்கு அதிர்ஷ்டமான பலன்களை வழங்க உள்ளது. குறிப்பாக நிதி வளர்ச்சி, தொழில் முன்னேற்றம் மற்றும் குடும்ப மகிழ்ச்சி போன்ற பல நல்ல மாற்றங்கள் ஏற்படும் வாய்ப்பு உள்ளது.
ரிஷபம்:
இந்த ராஜயோகம் ரிஷப ராசிக்காரர்களுக்கு மிகவும் சாதகமான பலன்களை தரக்கூடும். புதிய வேலை வாய்ப்புகள் கிடைக்கலாம். பணியிடத்தில் பதவி உயர்வு மற்றும் சம்பள உயர்வு கிடைக்கும் வாய்ப்பு உள்ளது. குடும்ப ஆதரவு அதிகரிக்கும். முதலீடுகள் நல்ல லாபத்தை தரக்கூடும். குழந்தைகளால் மகிழ்ச்சி தரும் செய்திகள் கிடைக்கும். திருமண வாழ்க்கையில் இருந்த பிரச்சனைகள் குறையும். செல்வம் மற்றும் வசதிகள் அதிகரிக்கும்.
கும்பம்:
கும்ப ராசிக்காரர்களுக்கு இந்த காலம் வெற்றிகரமானதாக இருக்கும். எடுத்துக்கொள்ளும் முயற்சிகள் அனைத்திலும் சாதனை காணலாம். எதிர்பாராத பண வரவு கிடைக்கும். பரம்பரை சொத்துகள் மூலம் நிதி ஆதாயம் ஏற்படலாம். தொழில் மற்றும் வணிகத்தில் வளர்ச்சி அதிகரிக்கும். புதிய ஒப்பந்தங்கள் மற்றும் வாய்ப்புகள் கிடைக்கும். வாழ்க்கையில் நல்ல மாற்றங்கள் நிகழும்.
மீனம்:
மீன ராசிக்காரர்களுக்கு நீண்ட காலமாக இருந்த பிரச்சனைகள் தீர வாய்ப்பு உள்ளது. குடும்ப உறவுகள் மேம்படும். பொருளாதார நிலை வலுப்படும். தடைபட்டிருந்த பணம் கைக்கு வரும். வணிகத்தில் லாபம் அதிகரிக்கும். திடீர் நிதி ஆதாயங்கள் கிடைக்கும் வாய்ப்பு உள்ளது. ஆராய்ச்சி, ஜோதிடம் மற்றும் ஆன்மீக துறையில் இருப்பவர்களுக்கு சிறந்த முன்னேற்றம் கிடைக்கும். மன அமைதி அதிகரிக்கும்.
இந்தக் கட்டுரையில் வழங்கப்பட்டுள்ள தகவல்கள் ஜோதிட நம்பிக்கைகள், பஞ்சாங்கம் மற்றும் பாரம்பரிய கருத்துக்களை அடிப்படையாகக் கொண்டவை. தகவல் நோக்கத்திற்காக மட்டுமே இந்த உள்ளடக்கம் வழங்கப்படுகிறது.