🚫 இந்தியாவில் ‘நிமெசுலைட்’ (Nimesulide) மாத்திரைக்குத் தடை!

இந்தியாவில் பரவலாகப் பயன்படுத்தப்படும் ‘நிமெசுலைட்’ (Nimesulide) என்ற வலிநிவாரணி மாத்திரைக்கு மத்திய சுகாதார அமைச்சகம் அதிரடித் தடை விதித்துள்ளது. காய்ச்சல் மற்றும் உடல் வலிக்கு மருந்துக் கடைகளில் எளிதாகக் கிடைத்து வந்த இந்த மாத்திரை, இப்போது மக்களின் உடல்நலனைக் கருத்தில் கொண்டு தடை செய்யப்பட்டுள்ளது.

100 மில்லி கிராம் (100mg)-க்கு மேல் உள்ள நிமெசுலைட் மாத்திரைகள் மற்றும் அதன் சேர்க்கை மருந்துகள் (Combinations) அனைத்திற்கும் தடை விதிக்கப்பட்டுள்ளது.  இந்த மாத்திரையைப் பயன்படுத்துவதால் கல்லீரல் கடுமையாகப் பாதிப்படைவது (Liver Toxicity) கண்டறியப்பட்டுள்ளது.  குறிப்பாக, இது கல்லீரல் செயலிழப்புக்கு வழிவகுக்கும் அபாயம் உள்ளதாக மருத்துவ ஆய்வுகள் எச்சரிக்கின்றன.

மத்திய மருந்து தரக் கட்டுப்பாட்டு அமைப்பின் (CDSCO) நிபுணர் குழு அளித்த பரிந்துரையின் அடிப்படையில், மத்திய சுகாதார அமைச்சகம் இந்தத் தடையை அமுல்படுத்தியுள்ளது.

ஏற்கனவே 12 வயதிற்கு உட்பட்ட குழந்தைகளுக்கு நிமெசுலைட் திரவ மருந்துகள் (Suspensions) வழங்க இந்தியாவில் தடை விதிக்கப்பட்டிருந்த நிலையில் தற்போது பெரியவர்களுக்கான அதிக வீரியம் கொண்ட மாத்திரைகளும் தடை செய்யப்பட்டுள்ளன.

மருத்துவரின் ஆலோசனையின்றி மருந்துக் கடைகளில் நேரடியாக ‘பெயின் கில்லர்’ மாத்திரைகளை வாங்கி உட்கொள்வதைத் தவிர்க்கவும்.

உங்கள் வீட்டில் பழைய மருந்துப் பெட்டிகளில் 100mg-க்கும் அதிகமான நிமெசுலைட் மாத்திரைகள் இருந்தால், அவற்றை உட்கொள்ள வேண்டாம் என அறிவுறுத்தப்படுகிறது.

Tag Words: #NimesulideBan #PainKiller #HealthAlert #IndiaHealth #MedicineSafety #LiverDamage #HealthMinistry #TamilHealthNews #DrugBan

The post 🚫 இந்தியாவில் ‘நிமெசுலைட்’ (Nimesulide) மாத்திரைக்குத் தடை! appeared first on Global Tamil News.

நன்றி